Home >> Node >> ᖃᓄᐃᓕᐅᖅᐸᖕᓂᕗᑦ

ᖃᓄᐃᓕᐅᖅᐸᖕᓂᕗᑦ

ᓄᓇᕗᒻᒥ ᐱᕙᓪᓕᐊᔪᓕᕆᔨᐅᔪᓄᑦ ᑲᑐᔾᔨᖃᑎᒌᖑᔪᑦ ᓴᐳᒻᒥᑎᐅᓪᓗᑎᒃ ᑲᑎᙵᕗᑦ ᐱᕙᓪᓕᐊᔪᓕᕆᔨᐅᔪᓄᑦ (EDOs). ᐊᖏᖅᓯᒪᓂᖃᖅᐳᑦ ᑎᓕᐅᕆᓇᓱᐊᖅᖢᑎᒃ ᑭᒡᒐᖅᑐᐃᓪᓗᑎᒃ ᐃᓚᒋᔭᖏᓐᓄᑦ ᐃᒪᐃᓕᐅᖅᖢᑎᒃ:

  • ᓂᓪᓕᐊᔾᔪᑕᐅᓪᓗᑎᒃ ᐃᓱᒫᓘᑎᒋᔭᐅᔪᑦ;
  • ᑐᑭᓯᑎᑦᑎᓂᕐᒧᑦ ᐱᒻᒪᕆᐅᓂᖏᓐᓂᑦ ᐃᖅᑲᓇᐃᔮᒥᓂᑦ;
  • ᐊᓯᒥᓂᑦ ᐅᔾᔨᕈᓯᓕᖅᑎᓪᓗᒋᑦ ᐊᑐᕐᓂᖃᐅᑎᓂᑦ ᐱᕙᓪᓕᐊᔪᓕᕆᔨᐅᔪᑦᓄ;
  • ᐊᓯᒥᓂᑦ ᐅᔾᔨᕈᓯᓕᖅᑎᓪᓗᒋᑦ  ᐊᔪᙱᓐᓂᕋᓗᐊᖏᓐᓂᑦ ᐱᕙᓪᓕᐊᔪᓕᕆᔨᐅᔪᓄᑦ ᐃᑲᔪᕈᓐᓇᕐᓂᐅᔪᒥᑦ ᓄᓇᕘᑉ ᑮᓇᐅᔭᓕᐅᕈᓐᓇᕐᓂᖏᓐᓂᑦ; ᐊᒻᒪᓗ
  • ᕿᓂᕐᓂᕐᒧᑦ ᐱᐅᓂᖅᓴᒥᑦ ᑐᑭᓯᐅᒪᓂᐅᔪᒥᑦ ᐊᒻᒪᓗ ᐃᓚᓕᐅᑎᔪᒃᓴᓂᑦ ᐱᕙᓪᓕᐊᓂᐅᔪᒧᑦ ᑮᓇᐅᔭᖃᖅᑎᑕᐅᓂᖏᓐᓂᑦ.

ᑕᐃᒪᙵᑦ ᓄᓇᕗᒻᒥ ᐱᕙᓪᓕᐊᔪᓕᕆᔨᐅᔪᓄᑦ ᑲᑐᔾᔨᖃᑎᒌᖑᔪᑦ ᐊᑎᓕᐅᖅᑕᐅᓯᒪᓕᖅᑎᓪᓗᒋᑦ ᑲᑐᔾᔨᖃᑎᒌᖑᓂᕐᒧᑦ 1999-ᒥᑦ, ᐊᖏᕐᔪᐊᖅᑐᓂᑦ ᐱᓕᕆᓯᒪᕗᑦ, ᐃᓚᖃᖅᖢᓂ:

  • ᒫᓐᓇᐅᔪᒥᑦ ᐸᕐᓇᐃᓂᖃᖅᐳᑦᑦ ᖃᔅᓯᒐᓚᖕᓂ ᓄᓇᓕᖕᓂ ᐱᕙᓪᓕᐊᑎᑦᑎᓂᐅᔪᓄᑦ ᐃᓕᓐᓂᐊᕐᓂᐅᔪᓂᑦ ᐊᑐᖅᖢᑎᒃ ᐋᖅᑭᒋᐊᖅᓯᒪᔪᒥᑦ ᓄᓇᓕᖕᓂ ᐱᕙᓪᓕᐊᑎᑦᑎᓂᐅᔪᓂᑦ ᐃᓕᓐᓂᐊᕐᓂᐅᔪᒥᑦ ᓱᓇᒃᑯᑖᖑᔪᓂᑦ ᐱᐅᓂᒃᑕᐅᕋᑖᓚᐅᖅᑐᒥᑦ ᐃᑲᔪᕐᓂᖃᕐᓂᐊᖅᑐᓂᑦ ᓄᓇᓕᐅᔪᓂᑦ, ᕼᐋᒻᓚᐅᔪᓂᑦ ᑭᒡᓕᐅᔪᓂᑦ, ᑐᑭᑦᑎᐊᕐᓂᖅᓴᐅᓂᐅᔪᒥᑦ ᐱᒻᒪᕆᐅᓂᖓᓂ ᓄᓇᓕᖕᓂ ᐱᕙᓪᓕᐊᑎᑦᑎᓂᐅᔪᓂᑦ ᐊᒻᒪᓗ ᖃᓄᖅ ᐸᕐᓇᒍᑎᐅᔪᑦ ᐱᓕᕆᔪᓐᓇᕐᓂᖏᓐᓂᑦ ᓄᓇᓕᖕᓄᑦ

  • ᐱᔭᕇᖅᓯᓚᐅᖅᑐᑦ ᐃᓅᖃᑎᒌᖕᓂᕐᒧᑦ-ᑮᓇᐅᔭᓕᐅᕈᑕᐅᔪᓐᓇᖅᑐᓂᑦ ᐱᓕᕆᐊᒃᓴᒥᑦ ᐱᕙᓪᓕᐊᑎᑦᑎᓚᐅᖅᑐᒥᑦ ᐃᓅᖃᑎᒌᖕᓂᕐᒧᑦ-ᑮᓇᐅᔭᓕᐅᕈᑕᐅᔪᓐᓇᖅᑐᓂᑦ ᖃᐅᔨᓴᐃᓂᕐᒧᑦ ᐊᒻᒪᓗ ᓇᐅᑦᑎᖅᓱᕐᓂᕐᒧᑦ ᒥᐊᓂᕆᔾᔪᑕᐅᔪᒥᑦ ᓄᓇᓕᖕᓄᑦ ᓄᓇᕗᓕᒫᒥᑦ.

  • ᑐᓂᓯᓪᓗᑎᒃ ᐱᓕᒻᒪᒃᓴᐃᓂᕐᒥᑦ ᐊᕐᕌᒍᑕᒫᑦ ᑕᒪᐃᑎᒍᑦ ᑲᑎᒪᓂᐅᔪᒥᑦ ᓇᓗᓇᐃᖅᑕᐅᓯᒪᓪᓗᓂ ᐱᕙᓪᓕᐊᔪᓕᕆᔨᐅᔪᓄᑦ. ᐃᑲᔪᖅᓱᐃᓗᑎᒃ ᐱᕙᓪᓕᐊᔪᓕᕆᔨᐅᔪᓂᑦ ᐃᓚᐅᓂᕐᒧᑦ ᐅᑭᐅᖅᑕᖅᑐᒥ ᐱᓕᕆᐊᓄᑦ ᑕᑯᒃᓴᐅᑎᑕᐅᓂᐅᔪᓂᑦ ᐊᒻᒪᓗ ᖃᓄᐃᓕᐅᕐᓂᐅᔪᓂᑦ.

  • ᐱᐅᓯᒋᐊᖅᑎᑦᑎᓂᕐᒧᑦ ᖃᕋᓴᐅᔭᐅᑉ ᑐᑭᓯᒋᐊᖅᑕᕐᕕᖓᓐᓂᑦ ᐃᑲᔪᕈᑎᐅᔪᓄᑦ ᐱᕙᓪᓕᐊᔪᓕᕆᔨᐅᔪᓄᑦ ᐊᒻᒪᓗ "ᐃᓚᒋᔭᐅᔪᓄᑐᐊᖅ" ᐃᓚᒋᔭᐅᔪᒥᑦ ᐃᓗᓕᖃᕐᓂᐊᖅᑐᒥᑦ ᐱᓕᒻᒪᒃᓴᐃᓂᕐᒧᑦ ᓱᓇᒃᑯᑖᓂᑦ ᐊᒻᒪᓗ ᓇᖕᒥᓂᖅᓱᖅᑐᓄᑦ ᐱᓕᒻᒪᒃᓴᐃᓂᕐᒧᑦ ᐸᕐᓇᒍᑎᓂᑦ.

  • ᓴᖅᑭᑎᑦᑎᓂᕐᒧᑦ ᐱᑕᖃᒐᔪᒃᑐᒥ ᑐᓴᒐᒃᓴᓂᑦ ᑎᑎᖅᑲᒥᑦ ᑕᑯᒃᓴᐅᑎᑦᑎᓂᕐᒧᑦ ᖃᓄᐃᓕᐅᕐᓂᐅᔪᓂᑦ, ᐱᓕᒻᒪᒃᓴᐃᓂᕐᒥᑦ ᐊᒻᒪᓗ ᓄᓇᓕᖕᓂ ᐱᒋᐊᕈᑕᐅᔪᓂᑦ ᓄᓇᕗᓕᒫᒥᑦ.

  • ᐱᕙᓪᓕᐊᑎᑦᑎᓂᕐᒥᑦ ᐱᓕᕆᑲᑎᒌᖕᓂᐅᔪᓂᑦ ᐱᓕᒻᒪᒃᓴᐃᓂᕐᒧᑦ ᐊᒻᒪᓗ ᑮᓇᐅᔭᖃᖅᑎᑕᐅᓂᖏᓐᓄᑦ ᑲᑐᔾᔨᖃᑎᒌᖑᔪᓄᑦ ᑭᐅᓂᕐᒧᑦ ᐱᕙᓪᓕᐊᔪᓕᕆᔨᐅᔪᓄᑦ ᐃᓕᓐᓂᐊᕐᓂᕐᒧᑦ ᐱᔭᕆᐊᖃᖅᑕᖏᓐᓂᑦ.

  • ᐃᑲᔪᖅᓱᐃᓂᖅ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐊᕕᒃᑐᖅᓯᒪᓂᐅᔪᓂ ᑲᑎᒪᓂᐅᔪᓂᑦ ᐱᕙᓪᓕᐊᔪᓕᕆᔨᐅᔪᓄᑦ ᐃᓕᑦᑎᓂᕐᒧᑦ ᓄᑖᓂᑦ ᐱᓕᕆᐊᖑᔪᓂᑦ ᐊᒻᒪᓗ ᐊᑐᐊᒐᓂᑦ ᐊᑐᐃᓐᓇᐅᑎᑕᐅᔪᓂᑦ ᐱᕙᓪᓕᐊᔪᓕᕆᔨᐅᔪᓄᑦ ᑲᑐᔾᔨᖃᑎᒌᖑᔪᓄᑦ ᐊᒻᒪᓗ ᑮᓇᐅᔭᖃᖅᑎᑦᑎᔨᐅᔪᓄᑦ ᑎᒥᐅᔪᓄᑦ.

  • ᐱᔭᕇᖅᓯᓂᕐᒥᑦ ᐊᔪᙱᓐᓂᐅᔪᓂᑦ ᖃᐅᔨᓴᕐᓂᐅᔪᒥᑦ ᓄᓇᕗᒻᒥ ᐱᕙᓪᓕᐊᔪᓕᕆᔨᐅᔪᓄᑦ, ᐊᒻᒪᓗ ᖃᐅᔨᓴᒐᔪᒡᓗᑎᒃ ᓄᑖᙳᕆᐊᖅᑎᑦᑎᓂᕐᒧᑦ ᐱᓕᒻᒪᒃᓴᐃᓂᕐᒧᑦ ᐱᔭᕆᐊᓕᖏᓐᓂᑦ.

  • ᓴᖅᑭᑎᑦᑎᒐᔪᒡᓗᑎᒃ ᐊᒻᒪᓗ ᓄᑖᙳᕆᐊᖅᑎᑦᑎᒐᔪᒡᓗᑎᒃ CD-ROM-ᖑᔪᓂᑦ ᐃᑲᔪᕈᑎᒃᓴᓂᑦ ᐱᓕᕆᔾᔪᑕᐅᔪᓂᑦ ᐱᕙᓪᓕᐊᔪᓕᕆᔨᐅᔪᓄᑦ.

  • ᐊᑐᐊᒐᐃᑦ ᐊᒻᒪᓗ ᐱᓕᕆᔾᔪᓯᐅᔪᑦ

  • ᒪᓕᒐᕋᓛᑦ ᐊᐅᓚᑦᑎᔪᑦ ᑲᑐᔾᔨᖃᑎᒌᖑᔪᓂᑦ