Home >> Edo Resources >> ᐱᓕᒻᒪᖅᓴᐃᓂᖅ

ᐱᓕᒻᒪᖅᓴᐃᓂᖅ

ᐅᖃᐅᓯᒃᓴᒃᑲᓐᓂᕐᓂ ᐱᓕᒻᒪᒃᓴᐃᓂᕐᓄᑦ ᓇᓂᔭᐅᔪᓐᓇᖅᐳᖅ ᐃᓚᒋᔭᐅᔪᓄᑦ ᐃᓂᖓᓂᑦ ᓄᓇᕗᒻᒥ ᐱᕙᓪᓕᐊᔪᓕᕆᔨᐅᔪᓄᑦ ᑲᑐᔾᔨᖃᑎᒌᖑᔪᓄᑦ ᖃᕋᓴᐅᔭᑎᒍᑦ ᑐᑭᓯᒋᐊᕐᕕᖓᒍᑦ ᐃᓚᖃᖅᖢᓂ ᑎᑭᑉᐸᓪᓕᐊᔪᓂᑦ ᐱᓕᒻᒪᒃᓴᐃᓂᕐᓄᑦ ᐱᕕᒃᓴᖃᕐᓂᐅᔪᓂᑦ, ᐱᓕᒻᒪᒃᓴᐃᓂᕐᓄᑦ ᐃᑲᔪᕈᑎᒃᓴᓂᑦ ᐊᒻᒪᓗ ᐋᖅᑭᒃᓱᖅᑕᐅᓯᒪᓪᓚᕆᒃᑐᓄᑦ ᐱᓕᒻᒪᒃᓴᐃᓂᕐᓄᑦ ᐸᕐᓇᒍᑎᓂᑦ.  ᐃᓚᓕᐅᑎᓯᒪᒋᓪᓗᓂ ᑕᒪᑐᒧᖓ ᐃᓂᐅᔪᒥᑦ, ᖄᒃᑲᓐᓂᐊᒍᑦ ᑕᒪᐃᑎᒍᑦ ᐱᓕᒻᒪᒃᓴᐃᓂᕐᓄᑦ ᐅᖃᐅᓯᒃᓴᐅᕗᑦ.

ᐃᓚᖓᓐᓂ ᓄᓇᕗᒻᒥ ᐱᕙᓪᓕᐊᔪᓕᕆᔨᐅᔪᓄᑦ ᑲᑐᔾᔨᖃᑎᒌᖑᔪᓄᑦ ᐱᓕᕆᐊᒃᓴᕆᔭᐅᔪᓂᑦ ᐱᐅᓯᕚᓪᓕᖅᑎᑦᑎᓂᕐᒥᑦ ᐱᕙᓪᓕᐊᔪᓕᕆᓂᕐᒧᑦ ᐱᓕᕆᔨᒻᒪᕆᐅᔪᓂᑦ ᐊᑐᓕᖅᑎᑦᑎᓗᓂ ᐅᕝᕙᓘᓐᓃᑦ ᐃᑲᔪᖅᓱᐃᓗᓂ ᐱᒋᐊᕈᑕᐅᔪᓂᑦ ᑐᕌᖓᔪᓄᑦ ᑭᐅᓂᕐᒧᑦ ᐃᖅᑲᓇᐃᔮᕐᓂᑦ ᐊᑐᑦᑎᐊᕈᓐᓇᕐᓂᕐᒧᑦ ᐱᕙᓪᓕᐊᑎᑦᑎᓂᐅᔪᒥᑦ  ᐱᔭᕆᐊᖃᕐᓂᐅᔪᓂᑦ ᐃᓚᒋᔭᖏᓐᓄᑦ. ᓄᓇᕗᒻᒥ ᐱᕙᓪᓕᐊᔪᓕᕆᔨᐅᔪᓄᑦ ᑲᑐᔾᔨᖃᑎᒌᖑᔪᑦ ᐱᓕᕆᖃᑎᖃᖅᐸᒃᐳᑦ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ, ᕼᐋᒻᓚᐅᔪᓂᑦ ᐱᓕᒻᒪᒃᓴᐃᓂᕐᒧᑦ ᑲᑐᔾᔨᖃᑎᒌᖑᔪᑦ , ᐱᕙᓪᓕᐊᔪᓕᕆᔨᐅᔪᑦ ᑲᑐᔾᔨᖃᑎᒌᖏᑦ ᑲᓇᑕᒥ, ᐃᓕᖅᑯᓯᓕᕆᔨᒃᑯᑦ, ᐃᓄᐃᑦ ᐱᖁᑎᖏᓐᓂᒃ ᓇᐅᑦᑎᖅᓱᖅᑏᑦ, ᐃᓄᓕᕆᔨᑐᖃᒃᑯᑦ, NT-ᑯᓐᓂ ᐊᒻᒪᓗ ᑲᓇᑕᒥ ᑲᑐᔾᔨᖃᑎᒌᖑᔪᓄᑦ ᓄᓇᖃᖅᑳᖅᑐᕕᓂᕐᓄᑦ ᐱᕙᓪᓕᐊᔪᓕᕆᔨᐅᔪᓄᑦ ᑐᓂᓯᓂᕐᒧᑦ ᐃᓕᓐᓂᐊᕐᓂᐅᔪᓂᑦ ᓄᓇᕗᒻᒥ ᑐᓂᓯᓂᐊᖅᑐᒥᑦ ᐱᕙᓪᓕᐊᔪᓕᕆᓂᕐᒧᑦ ᐱᓕᕆᔨᒻᒪᕆᐅᔪᓂᑦ ᐊᑐᐃᓐᓇᖃᕐᓂᕐᒧᑦ ᐸᐃᑉᐹᖅᑖᕐᓂᐅᔪᒥᑦ.

ᓄᓇᕗᒻᒥ ᐱᕙᓪᓕᐊᔪᓕᕆᔨᐅᔪᓄᑦ ᑲᑐᔾᔨᖃᑎᒌᖑᔪᓄᑦ ᐊᕐᕌᒍᑕᒫᒥᑦ ᑲᑎᒪᕕᒡᔪᐊᖅᑎᑦᑎᕙᒃᑭᕗᑦ ᐃᓚᖃᖅᑐᒥᑦ ᐊᔾᔨᒌᙱᕈᓘᔭᖅᑐᓂ ᐱᓕᒻᒪᒃᓴᐃᓂᕐᓄᑦ ᑲᑎᒪᓂᐅᔪᓂᑦ ᐊᒻᒪᓗ ᑐᓂᓯᓂᖃᖅᑐᒥᑦ ᐃᑲᔪᕐᓂᖃᕐᔪᐊᖅᑐᒥᑦ ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᖕᓂᐅᔪᒥᑦ ᐱᕕᒃᓴᖃᕐᓂᕐᒥᑦ ᐱᕙᓪᓕᐊᔪᓕᕆᔨᓄᑦ ᐊᒻᒪᓗ ᐃᖅᑲᓇᐃᔭᖅᑎᐅᔪᓄᑦ ᐊᔾᔨᒌᙱᑦᑐᓂ ᑎᒥᖁᑎᐅᔪᓄᑦ ᐊᒻᒪᓗ ᑲᑐᔾᔨᖃᑎᒌᖑᔪᓄᑦ ᖃᐅᑕᒫᑦ ᐱᓕᕆᖃᑎᒋᕙᒃᑕᖏᓐᓂᑦ. 2004-ᒥᑦ, ᓄᓇᕗᒻᒥ ᐱᕙᓪᓕᐊᔪᓕᕆᔨᐅᔪᓄᑦ ᑲᑐᔾᔨᖃᑎᒌᖑᔪᑦ ᑲᑎᒪᕕᒡᔪᐊᖃᑎᖃᖅᓯᒪᕗᑦ ᐊᑐᓂᓂ ᐊᕕᒃᑐᖅᓯᒪᔪᓂᑦ ᓄᓇᓕᖕᓂ ᐱᕙᓪᓕᐊᑎᑦᑎᓂᐅᔪᑦ ᑲᑐᔾᔨᖃᑎᒌᖑᔪᓂᑦ ᐊᒻᒪᓗ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐊᕕᒃᑐᖅᓯᒪᔪᓂᑦ ᑎᑎᕋᕐᕕᖏᓐᓂᑦ. ᑕᒪᒃᑮᑦ ᑲᑎᒪᕕᒡᔪᐊᕐᓂᐅᔪᓂᑦ ᐱᓕᕆᓂᖃᖅᐳᑦ ᓇᓗᓇᐃᔭᐃᓂᕐᒧᑦ ᑖᒃᑯᐊ ᐱᕙᓪᓕᐊᔪᓕᕆᔨᐅᔪᑦ ᐊᑐᓂ ᐊᕕᒃᑐᖅᓯᒪᓂᐅᔪᓂᑦ ᑐᓴᐅᒪᓂᖏᓐᓂᑦ ᓄᑖᖑᔪᓂᑦ ᐱᓕᕆᐊᖑᔪᓂᑦ, ᑮᓇᐅᔭᖃᖅᑎᑕᐅᓂᕐᒥᑦ ᑐᙵᕕᓂᑦ ᐊᑐᖅᑕᐅᔭᕆᐊᓕᖕᓂᑦ ᐊᒻᒪᓗ ᖃᐅᔨᒋᐊᕐᕕᒃᓴᓂᑦ.

ᐊᔾᔨᖓᓂ ᓴᖅᑭᑎᑕᐅᓯᒪᓂᐅᔪᓂᑦ ᑐᓂᔭᐅᔪᕕᓂᕐᓂ ᐊᕐᕌᒍᑕᒫᑦ ᑕᒪᐃᑎᒍᑦ ᑲᑎᒪᕕᒡᔪᐊᕐᓂᐅᔪᓂᑦ, ᖃᐅᔨᒋᐊᕈᒃ ᓄᓇᕗᒻᒥ ᐱᕙᓪᓕᐊᔪᓕᕆᔨᐅᔪᓄᑦ ᑲᑐᔾᔨᖃᑎᒌᖑᔪᓄᑦ.

ᕼᐋᒻᓚᐅᔪᓂᑦ ᐱᓕᒻᒪᒃᓴᐃᓂᕐᓄᑦ ᑲᑐᔾᔨᖃᑎᒌᖑᔪᓂᑦ (MTO)

ᓄᓇᕗᒻᒥ ᓄᓇᓕᖕᓂ ᐱᓕᒻᒪᒃᓴᐃᓂᕐᓄᑦ ᑲᑐᔾᔨᖃᑎᒌᖑᔪᑦ ᑮᓇᐅᔾᔭᒃᓴᕈᑕᐅᓇᑎᒃ ᑲᑐᔾᔨᖃᑎᒌᖑᕗᑦ ᐋᖅᑭᒃᑕᐅᓯᒪᓪᓗᑎᒃ ᐱᓕᕆᖃᑎᒌᖕᓂᐅᓪᓗᑎᒃ ᐅᑯᓇᓂ ᓄᓇᕗᒻᒥ ᑲᑐᔾᔨᖃᑎᒌᖑᔪᓂᑦ ᓄᓇᓕᖕᓂ ᐊᐅᓚᑦᑎᔨᐅᔪᓄᑦ ᐊᒻᒪᓗ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ, ᓄᓇᕗᒻᒥ ᒐᕙᒪᒃᑯᓐᓂᑦ. ᕼᐋᒻᓚᐅᔪᓂᑦ ᐱᓕᒻᒪᒃᓴᐅᓂᕐᒧᑦ ᑲᑐᔾᔨᖃᑎᒌᖑᔪᑦ ᑐᓂᓯᓂᖃᓲᖑᕗᑦ ᐃᓚᖏᓐᓂ ᑲᑎᒪᔨᐅᔪᑦ ᓯᕗᒻᒧᐊᕆᓂᐅᔪᓄᑦ ᓄᓇᖃᖅᑳᖅᑐᕕᓂᕐᓄᑦ ᐱᕙᓪᓕᐊᔪᓕᕆᔨᐅᔪᓄᑦ-ᐸᐃᑉᐹᖅᑖᕐᓂᕐᒧᑦ ᐃᓕᓐᓂᐊᕐᓂᐅᔪᓂᑦ ᐊᑐᐃᓐᓇᐅᑎᑕᐅᔪᓂᑦ ᓄᓇᕗᒻᒥ ᐅᑭᐅᖅᑕᖅᑐᒥ ᓯᓚᑦᑐᖅᓴᕐᕕᖕᒥᑦ.

mto.web.ca

ᐱᕙᓪᓕᐊᔪᓕᕆᔨᐅᔪᑦ ᑲᑐᔾᔨᖃᑎᒌᖏᑦ ᑲᓇᑕᒥ (EDAC)

ᐱᕙᓪᓕᐊᔪᓕᕆᔨᐅᔪᑦ ᑲᑐᔾᔨᖃᑎᒌᖏᑦ ᑲᓇᑕᒥ ᑲᓇᑕᐅᑉ ᑲᑐᔾᔨᖃᑎᒌᖑᕗᑦ ᐱᕙᓪᓕᐊᔪᓕᕆᔨᐅᔪᓄᑦ ᐱᓇᓱᐊᖅᑐᓄᑦ ᐱᐅᓛᖑᔪᒥᑦ ᐱᓕᕆᓂᕆᔭᒥᓂᑦ ᑕᐃᒪᙵᓂ 1968-ᒥᑦ. ᑲᑐᔾᔨᖃᑎᒌᖑᔪᑦ ᑐᕌᒐᒃᓴᖏᑦ ᐱᐅᓯᕚᓪᓕᖅᑎᑦᑎᓂᕐᒧᑦ ᐃᖅᑲᓇᐃᔮᕐᓂ ᐊᑐᑦᑎᐊᕈᓐᓇᕐᓂᕐᓄᑦ ᐱᔪᓐᓇᑦᑎᐊᕐᓂᐅᔪᓂᑦf ᐱᕙᓪᓕᐊᔪᓕᕆᔨᐅᔪᓄᑦ ᐊᒻᒪᓗ ᓇᓗᓇᐃᕆᓗᓂ ᐃᓕᓯᓂᐅᔪᒥᑦ ᐊᔪᙱᓐᓂᖃᑦᑎᐊᖅᑐᓂᑦ ᐃᓄᖕᓂ ᐱᓕᕆᓂᐅᔪᒧᑦ ᐱᕙᓪᓕᐊᔪᓕᕆᓂᕐᒥᑦ; ᓯᕗᒻᒧᐊᕆᓂᕐᒧᑦ ᐱᕙᓪᓕᐊᔪᓕᕆᓂᕐᒥᑦ ᐊᔾᔨᐅᙱᒋᐊᖏᓐᓂᑦ, ᐃᓕᓴᕆᔭᐅᓯᒪᔪᓂᑦ, ᐊᒻᒪᓗ ᐃᒻᒥᒍᑦ-ᐊᐅᓚᑦᑐᓂᑦ ᐱᓕᕆᐊᖑᔪᒥᑦ; ᐊᒻᒪᓗ ᑐᓂᓯᖃᑕᐅᓂᕐᒧᑦ ᑲᓇᑕᐅᑉ. ᑮᓇᐅᔭᓕᐅᕈᓐᓇᑦᑎᐊᕐᓂᐅᔪᒥᑦ ᖃᓄᐃᙱᑦᑎᐊᕐᓂᐅᔪᓂᑦ. ᐱᕙᓪᓕᐊᔪᓕᕆᔨᐅᔪᑦ ᑲᑐᔾᔨᖃᑎᒌᖏᑦ ᑲᓇᑕᒥ ᐃᓚᒋᔭᐅᔪᒪᑦᑎᐊᖅᖢᑎᒃ ᐃᓚᒋᔭᐅᕗᑦ ᕼᐋᒻᓚᐅᔪᓂᑦ ᑲᓇᑕᓕᒫᒥᑦ.

EDAC website

ᑲᑎᒪᔨᐅᔪᑦ ᓯᕗᒻᒧᐊᕆᓂᐅᔪᓄᑦ ᓄᓇᖃᖅᑳᖅᑐᕕᓂᕐᓄᑦ ᐱᕙᓪᓕᐊᔪᓕᕆᔨᐅᔪᓄᑦ (CANDO)

ᑲᑎᒪᔨᐅᔪᑦ ᓯᕗᒻᒧᐊᕆᓂᐅᔪᓄᑦ ᓄᓇᖃᖅᑳᖅᑐᕕᓂᕐᓄᑦ ᐱᕙᓪᓕᐊᔪᓕᕆᔨᐅᔪᓄᑦ ᓄᓇᖃᖅᑳᖅᓯᒪᔪᓄᑦ-ᐊᐅᓚᑕᐅᓂᐅᓪᓗᓂ, ᓄᓇᓕᖕᓄᑦ-ᑐᙵᕕᓕᖕᓂᑦ ᐊᒻᒪᓗ ᐃᓚᒋᔭᐅᓂᕐᒧᑦ ᐊᐅᓚᑕᐅᓂᐅᕗᖅ, ᐊᒻᒪᓗ ᐊᐅᓚᑕᐅᓪᓗᓂ ᑲᓇᑕᒥ ᐊᕕᒃᑐᖅᓯᒪᓂᖏᓐᓂᑦ ᑭᒡᒐᖅᑐᐃᔪᓂᑦ ᐊᑭᓕᖅᓱᖅᓴᐅᓇᑎᒃ ᑲᑎᒪᔨᐅᔪᓄᑦ ᓂᕈᐊᖅᑕᐅᓯᒪᔪᓄᑦ ᐱᕙᓪᓕᐊᔪᓕᕆᔨᓄᑦ ᑮᒡᒐᖅᑐᐃᓪᓗᑎᒃ ᐊᕕᒃᑐᖅᓯᒪᓂᐅᔪᓂᑦ ᑲᓇᑕᒥ. ᒐᕙᒪᑐᖃᒃᑯᓐᓂᑦ ᑎᑎᕋᖅᑕᐅᓯᒪᓂᐅᓪᓗᓂ, ᑮᓇᐅᔾᔭᒃᓴᕈᑕᐅᓇᑎᒃ ᑲᑐᔾᔨᖃᑎᒌᖑᓪᓗᑎᒃ, ᑲᑎᒪᔨᐅᔪᑦ ᓯᕗᒻᒧᐊᕆᓂᐅᔪᓄᑦ ᓄᓇᖃᖅᑳᖅᑐᕕᓂᕐᓄᑦ ᐱᕙᓪᓕᐊᔪᓕᕆᔨᐅᔪᓄᑦ ᐱᓕᕆᓯᒪᓂᖃᖅᐳᑦ ᐱᒋᐊᖅᑎᑦᑎᓂᕐᒥᑦ ᐱᓕᕆᖃᑎᒌᖕᓂᐅᔪᒥᑦ ᐱᕙᓪᓕᐊᔪᓕᕆᔨᓄᑦ, ᐃᓕᓐᓂᐊᕐᓂᐅᔪᒥᑦ, ᓄᓇᖃᖅᑳᖅᓯᒪᔪᓄᑦ ᓯᕗᓕᖅᑎᐅᔪᓂᑦ ᐊᒻᒪᓗ ᑎᒥᖁᑎᓪᓚᕆᐅᔪᓂᑦ ᐊᒻᒪᓗ ᒐᕙᒪᒃᑯᓐᓂ ᑭᒡᒐᖅᑐᐃᔨᐅᔪᓂᑦ.

ᑲᑎᒪᔨᐅᔪᑦ ᓯᕗᒻᒧᐊᕆᓂᐅᔪᓄᑦ ᓄᓇᖃᖅᑳᖅᑐᕕᓂᕐᓄᑦ ᐱᕙᓪᓕᐊᔪᓕᕆᔨᐅᔪᓄᑦ ᐊᔾᔨᐅᙱᓚᖅ ᑲᓇᑕᒥ ᑲᑐᔾᔨᖃᑎᒌᖑᔪᑐᐊᖑᖕᒪᑦ ᑕᐅᑐᒃᑕᑐᐊᖃᑲᐃᓐᓇᖅᑐᒥᑦ ᐃᓕᓐᓂᐊᕐᓂᕐᒧᑦ ᐊᒻᒪᓗ ᐃᖅᑲᓇᐃᔮᕐᓂᑦ ᐊᑐᑦᑎᐊᕈᓐᓇᕐᓂᕐᒧᑦ ᐱᕙᓪᓕᐊᑎᑦᑎᓂᐅᔪᒥᑦ ᐱᕙᓪᓕᐊᔪᓕᕆᔨᓄᑦ ᐱᓕᕆᔪᓄᑦ ᓄᓇᖃᖅᑳᖅᓯᒪᔪᓄᑦ ᓄᓇᓕᐅᔪᓂᑦ ᐅᕝᕙᓘᓐᓃᑦ ᑲᑐᔾᔨᖃᑎᒌᖑᔪᓂᑦ.

ᑲᑎᒪᔨᐅᔪᑦ ᓯᕗᒻᒧᐊᕆᓂᐅᔪᓄᑦ ᓄᓇᖃᖅᑳᖅᑐᕕᓂᕐᓄᑦ ᐱᕙᓪᓕᐊᔪᓕᕆᔨᐅᔪᓄᑦ ᖃᕋᓴᐅᔭᑎᒍᑦ ᑐᑭᓯᒋᐊᕐᕕᖓᒍᑦ

ᐃᓄᐃᑦ ᐱᖁᑎᖏᓐᓂᒃ ᓇᐅᑦᑎᖅᓱᖅᑏᑦ (IHT)

ᐃᓄᐃᑦ ᐱᖁᑎᖏᓐᓂᒃ ᓇᐅᑦᑎᖅᓱᖅᑏᑦ ᐃᓄᖕᓄᑦ ᑲᑐᔾᔨᖃᑎᒌᖑᕗᑦ ᓴᖅᑭᑕᐅᓯᒪᓪᓗᑎᒃ ᐅᑯᓄᖓ ᐊᒻᒪᓗ ᐃᓄᖕᓄᑦ ᓄᓇᕗᒻᒥ. ᓇᐅᑦᓯᖅᑐᖅᑏᑦ ᐱᓕᕆᔭᖃᑉᐳᑦ ᐱᓯᒪᑦᑎᓂᕐᒥᒃ, ᐱᐅᓯᕚᓕᑎᑦᑎᓂᕐᒥᒃ ᐊᒻᒪᓗ ᓴᐳᒻᒥᑦᑎᓂᕐᒥᒃ ᐃᓄᐃᑦ ᐃᓕᖅᑯᓯᖏᑎᒍᑦ ᐃᑦᑕᕐᓂᓴᖁᑎᖏᓐᓂᒃ ᐊᒻᒪᓗ ᐃᓕᓴᒃᓇᐅᑎᒋᔭᖏᓐᓂᒃ ᓄᓇᕗᒻᒥ ᐃᑦᑕᕐᓂᓴᓕᕆᕕᐅᕙᑦᑐᓂ, ᖃᐅᔨᔾᔪᑎᐅᕙᑦᑐᑦ ᐃᓄᖏᓐᓂᒃ ᓇᒥᒥᐅᑕᐅᓂᕐᒪᖔᑕ ᐊᒻᒪᓗ ᐱᖅᑯᓯᑐᖃᑦᑎᒍᑦ ᐊᑎᑐᖃᖏᑦ ᓄᓇᐃᑦ. ᓇᐅᑦᑎᖅᓱᖅᑏᑦ ᐱᓕᕆᐊᖏᑦ ᑐᙵᕕᖃᖅᐳᑦ ᐃᒃᐱᒍᓱᑦᑎᐊᕐᓂᐅᔪᒥᑦ ᐃᓕᖅᑯᓯᑐᖃᕐᒥᑦ ᖃᐅᔨᒪᓂᐅᔪᒥᑦ ᐊᒻᒪᓗ ᖃᐅᔨᒪᓂᕐᔪᐊᖏᓐᓄᑦ ᐃᓄᑐᖃᑦᑎᓐᓂ. ᐃᓄᐃᑦ ᐱᖁᑎᖏᓐᓂᒃ ᓇᐅᑦᑎᖅᓱᖅᑏᑦ ᐊᑐᐃᓐᓇᐅᑎᑦᑎᕗᑦ ᐱᓕᒻᒪᒃᓴᐃᓂᕐᓄᑦ ᐱᕕᒃᓴᖃᕐᓂᐅᔪᓂᑦ ᑕᐃᒃᑯᓄᖓ ᐱᓕᕆᓂᖃᕈᒪᓂᕐᓂ ᐃᑦᑕᕐᓂᓴᓕᕆᓂᕐᒥᑦ, ᐱᖁᑎᖏᓐᓂᒃ, ᖃᐅᔨᓴᕐᓂᕐᒧᑦ ᐊᒻᒪᓗ ᑐᑭᓕᐅᕆᓂᕐᒥᑦ.

www.ihti.ca